[娛樂] 亞姐不和 王家敏寸馮虞軒唔係朋友

咪背鬥餐死　乳神小花鬥出火( 2011-12-28 )
亞姐不和出晒面　王家敏寸馮虞軒唔係朋友


[轉載/Youtube] 二十位候選亞姐噚日喺亞視總台排練舞蹈環節，為聽晚（29日）舉行嘅大中華總決賽做好準備。最近有報道話18號王家敏不滿大會髮型師大細超，淨係掛住幫緋聞女友17號馮虞軒整靚個頭，王家敏就要喺髮型屋呆等個幾鐘先幫佢set頭，搞到佢想退選。
考慮退選
問到王家敏呢單傳聞，佢直認係有呢件事發生。同馮虞軒嘅交情係點？王家敏就話：「我哋私下唔算係朋友，好少傾偈。」王家敏話仲諗緊係咪退選。講到為乜原因？佢就扭扭擰擰唔肯講，之後好勉強咁話私人理由。最後王家敏都有同馮虞軒、馮雪冰合照，不過佢全程用個背脊對住馮虞軒，反而好friend咁攬住馮雪冰，馮虞軒梗係全程黑面！