疑拍劇撻着搞出四角戀 何傲芝：祥仔令我開心
[轉載/Youtube] 一向幽默的阮兆祥雖有拍拖多年的女友Crystal，但近日卻爆出他跟《東張西望》女主持何傲芝拍劇撻着，他日前更陪女方添置床上用品，何傲芝雖然謂祥仔令她拍劇時很開心，但強調只是同事關係。無綫《東張西望》女主持何傲芝去年已被爆撻着蕭正楠，二人不時在電視城出雙入對，今年8月本報才踢爆他們拍拖到澳門消遣，當時蕭正楠自爆母親也同行，換句話說何傲芝見埋家長好事近。不過「蕭芝戀」近日出現暗湧，有消息指何傲芝背着男友相約已有親密女友Crystal的阮兆祥日前拍拖買床上用品，祥仔更大方畀錢，兩對戀人變四角關係。
有消息指當日祥仔落力陪何傲芝買枕頭和羽絨被，同時又不停說笑逗女方歡心。就有關緋聞求證何傲芝，她昨日在電話中說：「我同祥仔合作《東西宮略》，戲裏戲外佢都係我阿哥，第一次拍劇佢對我幫助好大，佢令我拍得開心冇咁緊張。我哋冇任何嘢發生，報道有九成九唔係真，只擔心要向爸爸交代。」
蕭正楠信女友
何傲芝表示昨日並沒跟祥仔聯絡，但由於遭偷拍後，祥仔數日後即偕女友Crystal到台灣旅行，Crystal在出發前已知男友這次「偷食事件」，並謂不認識傲芝。傲芝則指祥仔有發短訊給她告知詳情，足見關係密切。
何傲芝避忌說：「我唔想令祥仔女朋友唔開心。」可會避忌少點約出來？她再說：「我哋呢個月6號拍完劇後，工作以外見面有其他人一齊只係兩、三次，呢次大家講開買聖誕禮物，咪約出嚟，咁啱去咗買枕頭，當日買嘢只係花咗20分鐘，仲係我自己畀錢。」祥仔的手機昨日暫停服務，至於蕭正楠昨日出言力撐說：「我哋係好朋友，芝芝有乜都同我講，我信得過佢同祥仔冇嘢。」蕭正楠言語間非常維護女友。
0 comments:
Post a Comment