擔心千嬅周圍去 丁子高忍唔住口「我係爸爸」
[轉載/Youtube] 楊千嬅被爆懷有兩個多月身孕，近日已全面停工，放假安胎。由於未夠三個月怕BB小器，千嬅不敢公開承認有喜，即將榮升老竇的丁子高昨日現身也只敢笑不敢認，但難忍興奮地說：「我恨不得家即刻大叫：『我係爸爸！』」不過千嬅卻唔悶得，鍾意周圍去，令丁子高非常擔心！楊千嬅成為圈中另一大肚婆，成功造人懷孕兩個多月，近期更連推四部戲，停工安胎。老公丁子高昨日在銅鑼灣出席Tudor手錶店開幕活動，面對記者連聲恭喜他即將榮升爸爸，丁子高笑到四萬咁口說：「如果有開心事，就會自己講，家未講得呀，唔知點解未講得。」記者表示傳統習俗夠三個月才可公佈，丁子高難掩興奮地說：「我恨不得家即刻大叫：『我係爸爸！』」問他幾時可以大叫？他即鬼馬說：「承你貴言，唔知幾時，慢則唔知，快則好快。」他笑言自己一向努力工作，努力搵奶粉錢，最想生一男一女，但生夠三、四個也無妨：「睇個天畀唔畀個好字啦。」
至於楊千嬅上月突然肚痛入院，被醫生要求卧床一個月，問到千嬅現時身體狀況，他說：「做完演唱會，佢身體好虛，呢兩三年好忙，要休息多啲。」會否進補？他說：「唔使，清清哋簡單就得，家唔想佢太攰。」千嬅明年要到內地宣傳電影，丁子高表示會盡好老公責任，陪老婆出差，而工作表千嬅暫時冇戲拍，但不改四圍去、冇時停的習慣，他說：「噚日我好夜返到屋企，都見唔到佢，原來佢落咗街揸車去朋友度傾偈，又唔講聲，連message都冇留低，擔心死人。」
陪老婆出差
同場還有鍾嘉欣、Ana R.、Alice B.、Cara G.等，鍾嘉欣透露要趕回廠拍《護花危情》，她說：「飾演大提琴家，學咗四堂，開始練到手都起繭，有場撞車戲，要夾住個大提琴，撞到大腿瘀晒！」
0 comments:
Post a Comment