祖國攞獎 女電王跌Watt
[轉載/Youtube] 有中國「經濟界奧斯卡」之稱嘅「CCTV中國經濟年度人物」前晚公佈結果，同真正奧斯卡一樣，得獎人未必眾望所歸，但肯定政治正確。其中，香港金融界熟悉面孔有中電國際董事長李小琳、中聯重科董事長詹純新，同埋攞咗「終身成就獎」嘅聯想創辦人柳傳志。講到女電王李小琳，大家都非常期待，佢會唔會好似一班電視界姐仔咁，千萬鑽飾加曳地長裙上台領獎，結果大失所望！女電王平日喺香港粗戴見記者、開股東會嘅珍珠鑽飾，粒粒都龍眼咁大。不過，返到祖國攞獎，睇勻全身，搵件閃啲嘅飾物都冇。
喺香港有專人服侍髮型化妝衣着，全部係當季潮流所在。返到北京，紅絲絨外套襯西褲，充滿祖國味道。點解女電王衣着打扮突然跌watt？據聞係要「配合場合」。華華茅塞頓開！
0 comments:
Post a Comment