[娛樂] 陳志雲出發赴美淡出 TVB

志雲搵契仔　 18 年拜拜 2012年01月09日
18年回憶難捨六嬸 志雲出發赴美淡出 TVB

無綫總經理陳志雲上個月以遊學為由，宣佈離開效力十八年的無 綫 ，前晚他出發往美國，契仔和無 綫 外事部副總監曾醒明都有送行，問他有否不捨得方逸華？志雲說﹕「十八年回憶，點都有 啲 不捨感覺。」

志雲拜拜無綫　今晚起行去遊學( 2012-01-07 )
志雲告別TVB　「唉！18年啦！」


[轉載/Youtube] 無綫總經理陳志雲上個月以遊學為由宣佈離開效力18年嘅無綫，話就話佢做到今年4月先離開，但原來志雲扣埋啲大假可以提早鬆人。噚日係志雲喺TVB嘅last day，今晚佢會搭夜機去美國矽谷同拉斯維加斯開始遊學。

要見識新科技
平時返工西裝骨骨嘅志雲，噚日下晝5點幾着便服孭背囊離開無綫將軍澳電視廣播城，由於之前志雲分幾次執走咗私人物件，所以噚日離開顯得好輕鬆。志雲踏出TVB門口時，個樣好依依不捨，問佢係咪好唔捨得？佢嘆氣話：「唉！18年啦！」究竟去美國讀乜？志雲話：「見識吓當地新傳媒、新科技。」
馮仁昭問志雲遊學完返香港，會唔會再返TVB，佢笑笑口話：「家唔諗呢啲，要專心學習，了無牽掛。」講完就同馮仁昭揮手拜拜。
其實一路以嚟都有唔少人向志雲招手力邀佢加盟，包括今年將成立免費電視台嘅王維基同小小超李澤楷等。不過，亦有消息話志雲諗住自己開製作公司做《志雲飯局》等節目，然後再賣畀其他電視台。另外，早排有消息話now高層杜之克會接替志雲個位，但聽聞杜之克係去無綫收費電視，志雲個位仲未搵到人接替。