黃凱芹寸林峯識Do換獎
[轉載/Youtube] 入行多年嘅黃凱芹（Chris）已經有8年冇喺紅館開騷，佢會喺3月24同25號喺紅館舉行兩場「黃凱芹True Colors 25週年演唱會」。噚日Chris喺紅磡開記招，仲對家樂壇有感而發咁話：「我係非一般歌手，唔識do又唔做，好感觸，唔好話亞太男歌手，我啲歌連年度總選同一首金曲都冇，託賴有生存方式。」林峯之前得金曲金獎同亞太區男歌手，令人揣測Chris暗寸林峯，Chris話：「頒獎禮有遊戲規則，我咁多年都冇攞獎，攞獎唔代表一切，亦唔需要將人哋當箭靶，攞獎可以係苦差。」默認做老竇
早前Chris被影到喺香港屋企湊仔，問佢係咪做咗爸爸？佢默認話：「我嘅家庭生活好愉快，其他問題我用微笑回應，我唔係嗰種歌手，唔想焦點喺家庭成員度，大家影到相，我有我嘅底線。」
另外，林峯噚日喺黃埔參加新城團拜，為新劇留咗鬚嘅林峯話新年冇趁機相睇，佢又話屋企早排有白事，今年冇四出拜年，所以新年食大咗個胃，肥咗唔少。而新城台長朱明銳話新城今年會投資過億開多5個直播室，又會開多3條頻道。
0 comments:
Post a Comment