心痛林峯遭圍剿 樂易玲：捍衞勁歌制度
[轉載/Youtube] 林峯因《Chok》一曲獲頒《勁歌》金曲金獎而被全城圍插，昨日他和樂易玲一起到電視城出席無綫活動時，林峯坦言不覺得矛頭針對他，希望大家不要放大去看整件事。樂易玲就否認離職傳聞，又力撐愛將林峯的分數名列前茅，她說：「我覺得我哋應該捍衞《勁歌》嘅制度，應該攞嘅人係要畀佢。」無綫行政主席梁乃鵬昨日聯同製作資源部總監樂易玲、林峯及28位應屆候選國際中華小姐，在電視城為全新興建的Sky Zone進行啟用拜神。林峯因歌曲《Chok》獲頒金曲金獎而被圍插，問他的心情有否好轉，他說：「冇差過，不嬲每一次都會有唔同嘅聲音，呢個係本身個規則。」
林峯不覺得矛頭針對他，並說：「你哋講緊一啲包括藝人嘅回應，我全部都friend，我自己睇完都笑，大家私底下都熟，無傷大雅，大家唔好太過放大件事去睇，作為同行都知道自己本份係做乜，總之繼續努力。」
近日再傳樂易玲將離開無綫，轉投邵氏掌管電影部，阿峯笑說：「傳咗好多次喇，根本冇呢回事，我都會講笑問佢係咪真㗎，次次都係我哋唔知，淨係外面啲人知。」梁乃鵬也斬釘截鐵表示絕無其事，樂易玲更笑說：「退休唔好計喇，始終有一日我會退休，我暫時都唔會，冇呢個念頭。」
0 comments:
Post a Comment