[娛樂] Tess倒奶 靠扑性女上位

靚模倒奶　靠扑性女上位( 2012-01-18 )
Tess倒奶　靠扑性女上位


[轉載/Youtube] 舊年聖誕Boxing Day，網友瘋傳「香港真人扑性Day」短片，有對慾火男女被偷拍喺天后一個公園涉嫌打野戰，片中男子露械，但女子就三點不露，下體仲俾人打格，才子蕭若元日前向雜誌證實片中女主角「扑性女」係23歲模、香港寬頻優質生活台主持朱韻蓓（Tess），對於被指疑似扑性女，Tess噚日喺香港娛視高層陪同下現身沙田否認。
事件隔咗兩個幾星期，差唔多淡忘，一身倒奶打扮嘅Tess又離奇現身澄清，佢話：「當日我出水痘，同公司請咗假，片中人唔係我，蕭生（蕭若元）都話咗係聽人講。我有睇過啲片，嗰個女仔唔似我，向來違法事我唔做。」無論Tess係唔係扑性女真身，佢已經喺呢件事上出晒位，佢話：「對女仔嚟講，呢啲唔係光彩嘅事。」

預告出寫真
Tess慶幸真人同上鏡樣有差距，所以出街都冇俾人指指點點，不過佢直認事件為佢帶嚟壓力：「初時好驚。」身邊高層仲話稍後會同Tess出寫真，疑似扑性女話抗拒呢個名，但事實上佢知名度得以提升，點計都算出到位。