群星拱照唐英年唱獨腳戲 玩自嘲 冧中產 強調明天在你我
弱雞姐火拼爆咪姐( 2011-12-20 )
造勢大會比拼 唐唐贏陣 輸咗自己
不速之嚇 嚇窒龍豬( 2011-12-20 )
狼仔擦鞋開心笑 主播幫手好嬌俏( 2011-12-20 )
梁振英辭任星島董事
[轉載/Youtube] 篤定「入閘」選特首的唐英年昨舉行造勢大會，有近千名政商界星級人馬撐場，卻刻意淡化星味，只由唐英年上台唱獨腳戲，拋出優化管治及落實普選等六大綱領，承諾關注貧窮及房屋問題，並拉攏中產，預告一旦當選會成立中產特別委員會，研究減稅等措施。經常失言的唐英年又自嘲「講嘢唔算叻」，標榜要用真性情力爭民望大翻身。造勢大會比拼 唐唐贏陣 輸咗自己
鬥演詞
正如唐唐所講，佢自己係不擅詞令，所以佢噚日份講稿都係平淡如水，無甚驚喜，稱得上係一篇行貨，毫無誠意可言，睇勻全篇都唔知香港有乜嘢問題。
成個造勢大會，唐唐乜都壓住振英哥，只係贏在自己！相反狼振英就大打溫情牌，仲擺佢紮咗三隻腳趾嘅媽媽上枱，玩首尾呼應，都算感人，明顯交足戲。
鬥司儀
狼振英宣佈參選嘅大會，請來《壹週刊》前副總編輯潘麗瓊做主持，佢嗌破喉嚨高叫「支持CY、支持梁振英」，擾民程度有十粒星，獲冊封為「爆咪姐」。唐英年可能知道「爆咪」會扣分，所以佢就請咗新聞之花魏綺珊做司儀，佢人靚聲甜，即使有食螺絲同埋dead air，但大方得體sure win。魏綺珊話，今次幫唐唐做司儀係當接Job咁做，拒評論自己係咪支持唐唐。
鬥明星
唐唐噚日台戲有周星馳、黎明呢啲「天王級」人馬坐鎮，叫座力不容忽視，二人「有咪就有bite」，「金句王」黎明更加唔會令人失望；有政治女記者噚日俾老黎掂住隻手答問題，冧到呢。現場仲有金草演員黎萱撐場，mark住班長者客。相反CY喺藝能界就遜色得多，只有肥媽Maria Cordero同幽默搞手林超榮。
鬥仔女
狼振英造勢有佢22歲兼高大靚仔嘅狼仔梁傳昕現身支持，加上狼仔聲稱未拍拖，令唔少年輕女記者尖叫。唐英年噚日晒冷，帶晒佢三個女同一個仔現身，但未見傳言中嘅私生子。雖然「豬仔」唐嘉盛早前因為外貌輸咗畀「狼仔」，但係唐唐噚日嘅20歲細女唐嘉慧（Nicola）樣子夠甜，笑容夠煞食，加上低胸Deep V示人，為唐唐挽回唔少分數，但係四位千金大少全程一語不發，由媽媽代為發言，唔似狼仔咁大方。
0 comments:
Post a Comment