[娛樂] 陳志雲吸金力強向豪宅進發

陳志雲買西九豪宅方便返內地掘金 2011/12/26
陳志雲吸金力強向豪宅進發


[轉載/Youtube] 無綫總經理陳志雲辭職後即成為搶手貨，有傳內地製作公司爭崩頭，出價千萬羅致旗下包拍《志雲飯局》，難怪吸金力驚人的志雲有意搬屋「買磚頭」。
《太陽報》記者發現志雲在昔日愛將，現已轉職地產界的前藝員寧進陪同下，參觀西九龍「御金‧國峯」示範單位，兩人參觀了兩個1200呎及1500呎的示範單位。樓盤未公布呎價，但據業內人士指意向呎價約為港幣15,000元，志雲細心參觀後，據悉他睇中價值2,200多萬港元的無敵海景高層單位，可見吸金能力驚人。
寧進事後接受電話訪問表示：「我都係畀咗投資意見佢，聽講佢幫內地公司拍嘢，個盤喺西九，可以連接內地高鐵，加埋配套真係好啱佢。其實大家平日都有交換投資心得，大家都好贊成投資磚頭，加上佢冇時間睇住投資項目，買樓係最穩陣投資。」