[時事] 望倒後鏡被指怒睥人 小巴司機捱打

望鏡互睥　打完人要打格 2012-01-01
鏡中被睥毆司機　小巴客被捕　提記者登相要打格


望倒後鏡被指怒睥人 小巴司機捱打


[轉載/Youtube] 「望咩呀？！」一輛通宵小巴上演乘客毆打司機暴力場面。一名紋身漢昨晨乘搭小巴，慢條斯理上車被司機指罵，之後聲稱司機多次透過倒後鏡怒視他再起爭執。小巴駛至沙田九肚山時，司機忍無可忍停車質問︰「乜嘢呀？我揸車望鏡，幾時望你呀？」隨即被人揮拳打傷頭部，司機報警將乘客拘捕。

登車動作太淡定起爭執
鬧劇主角包括23歲被捕姓羅男乘客，手臂有紋身，當時倚在巴士站向後仰身閃避記者鏡頭，笑說︰「我好怕醜㗎，打格仔（指照片見報）呀。」，羅因涉及襲擊被警方拘捕帶署。被打傷小巴司機姓蘇（45歲），送院敷治無礙。
昨晨零時許，羅與友人到旺角消遣後，乘通宵小巴返大埔寓所。羅登車動作太「淡定」，姓蘇司機見狀不滿出言干涉，雙方曾經爭執。羅坐在司機位後面座位，小巴開行後，有人疑心有不甘，沿途緊盯車頭倒後鏡，注視司機動作眼神，指責司機透過倒後鏡眼望望，投以敵視目光。
司機聲稱︰「我揸車要望鏡，幾時望你呀？」兩人罵戰起來。小巴駛至沙田九肚山對開、大埔公路迴旋處附近巴士站，司機停車轉身質問乘客說︰「你想點呀？」隨即被人一拳打傷頭面，報警將疑人拘捕。