[娛樂] 陳浩民孭黑翼避女色

浩民護翼 Batman　強國女冧爆( 2011-12-19 )
開騷扮乖　陳浩民孭黑翼避女色


[轉載/Youtube] 陳浩民早前同好兄弟馬德鐘喺橫店夜蒲，被指非禮19歲影壇新人陳嘉桓，搞到一身蟻。陳浩民最後要同大肚妻蔣麗莎開記招、捐錢兼登報三管齊下道歉，事件先告一段落。

認衰搵女過橋
陳浩民大前晚返內地搵奶粉錢，出席喺廣西舉行嘅北部音樂節，佢着咗件背後有對黑色翼嘅西裝褸，俾人話似黑天使。陳浩民喺台上表現風騷，仲笑笑口講番件非禮案：「全地球人都知我最近好難過，心情就好似坐過山車一樣。」之後又再次大打溫情牌話：「今日係我個女出世第15日。」
陳浩民喺內地知名度一向都勁過喺香港，班粉絲似乎唔介意佢做咗「賤狼」，依然對佢死心塌地，有熱情觀眾大叫：「我愛你。」互動環節中，更有女粉絲衝到台前想同佢握手，但浩民可能見啱啱先逃過大難，變得好謹慎，同粉絲對望一輪先敢以咪代手。之後返到後台陳浩民俾大班女仔圍住影相，但佢都唔敢再咁熱情，扮friend搭住人膊頭合照，可能係怕返屋企俾老婆扭耳仔。