劉倩婷旺夫 李丞責盡快娶
[轉載/Youtube] 劉倩婷與李丞責拍拖僅數月，前晚情侶檔上無綫新節目《登登登對》，倩婷提起男友即一副冧樣，自爆被批算30歲會特別旺夫，李丞責亦無懼再婚，笑言︰「結婚應該唔會太耐。」看來娛樂圈好快又多一樁喜事。由曾華倩和林盛斌主持的無綫新節目《登登登對》前晚在電視城進行錄影，邀來劉倩婷、李丞責、莊思敏、羽翹、糖兄妹等擔任嘉賓。倩婷在接受訪問期間，主動提議叫埋「師傅」一起做訪問，記者笑問平時是否叫男友做師傅？她甜笑說：「平時叫佢丞責，因為『城城』俾第二個叫咗。」
通過外母關
倩婷表示兩人拍拖數個月已默契十足：「我哋上嚟玩遊戲前都做足功課，了解過大家鍾意食乜同去邊玩，但我哋平時思想都好一致，好似噚日我想買iPhone case畀佢，點知打畀佢原來佢自己買緊。」
現年25歲的劉倩婷自言不着急結婚，但大讚李丞責具備好老公條件，她說：「我仲細，唔急，結婚都要睇誠意。」問到劉媽媽會否介意李丞責曾離婚？她說：「媽咪都覺得佢係好男人，好錫老人家，話最緊要我開心。」
劉倩婷自爆男友為她批命時，指她30歲後會旺夫，李丞責笑說：「可能仲益埋子㖭，但我未算到。」至於是否娶得過？他說︰「呢啲係秘密，費事有人同我爭。」問到何時迎娶女友？他說︰「要儲錢先，下次大家幫我問吓伯母，我哋識咗好短時間，但應該唔會太耐。」
0 comments:
Post a Comment