[時事] 被迫閂咪 周融誓不回港台

港台大掃除　周融寸爆嘴( 2011-12-24 )
被迫閂咪　周融誓不回港台


[轉載/Youtube] 聖誕節本應玩餐飽，港台今年聖誕、除夕卻忙於大掃除，掃走兩件烽煙名嘴周融同吳志森，從此乾乾淨淨。港台噚日率先掃走《千禧年代》嘅「銅紫荊」周融。等多6日，吳志森亦都會「被封咪」。周融老馬有火，臨別勁寸多年拍檔梁家永分析力唔夠班，尚有5日命嘅吳志森，準備下周大事回顧，同聽眾分享如何挑動「左腦」神經。

清晨5點幾起身，6點幾開車，7點鐘踩入廣播道，8點鐘開咪，10點鐘鬆人。12年來，周融每周五天主持《千禧年代》，遲到過一次，即刻見報，「嗰次係宣佈申請廣播處長之後嗰日」。遲到為咗避嫌，因為周融唔想同梁家永一齊討論佢申請處長單嘢。當日梁家永獨撐大局，下周一起，呢個獨腳戲畫面天天見。