福祿壽輪流呵林峯
阮兆祥、王祖藍和李思捷昨在深水埗為「那些年，爆笑不離3兄弟演唱會2012」做宣傳，早前思捷曾寸林峯攞獎「夾硬嚟」，令林峯前晚在廣州拒與同台的福祿壽交流，對此祥仔說：「台上啫，我哋同佢同枱食飯。阿峯份人唔造作，有啲人會扮有風度、扮冇事，但佢真係唔放在心，覺得做好自己演出同有進步已OK。佢咁正面，好期待同佢多啲交流。」
祖藍則說：「我要極力讚阿峯，佢EQ好高，雖然外界有好多聲音，但佢答問題好得體。」思捷說：「如果要睇一個人成唔成功，就要睇佢啲fans，佢噚晚（前晚）係最多粉絲嘅。」三人並考慮請林峯做演唱會嘉賓。
福祿壽寸林峯攞獎夾硬嚟 ( 2012-01-13 )
福祿壽單打《勁歌》賽果 李思捷寸林峯攞獎夾硬嚟
[轉載/Youtube] 王祖藍、李思捷和阮兆祥所組成的福祿壽前晚到銅鑼灣為商場宣傳新春活動，近日陳豪、林保怡和黃德斌所組成的Sober Band爆紅，福祿壽直言難與他們對撼爭獎，李思捷更衝口而出說：「夾硬嚟嘅獎就唔會攞。」擺明寸林峯憑《Chok》得金曲金獎是「夾硬嚟」。福祿壽前晚到銅鑼灣為商場宣傳，三人齊齊穿上紅噹噹的服飾，甚具新年氣氛。近日陳豪、林保怡和黃德斌所組成的Sober Band被指是他們的勁敵，李思捷直言視他們為勁敵，又自言很驚與他們對撼，祖藍則笑說：「佢哋有四個人，我哋得三個人，家明係佢哋肚裡面，骨肉相連，我哋兩隊band加埋都成百歲啦！」
0 comments:
Post a Comment