[娛樂] Zoie寄情工作出書做才女

譚凱琪做才女逆轉人生
Zoie寄情工作出書做才女 2011年11月18日


[轉載/Youtube] 有線女主持譚凱琪（Zoie）上月度過了人生第三十個生辰，前半生在感情及投資損手的她，下半場已好好部署，誓要爭氣打出逆轉的漂亮人生。

Zoie去年還甜絲絲承認與余思敏前男友蜜運，今年她則無奈地說：「變番單身啦！我依家仲搵緊男朋友，寄情工作先，計劃出本相集加文字嘅旅遊書，會參與構思設計。（想做才女？）都係時候轉變，雖然喺香港，才女嘅門檻唔高，但競爭好大，一定要發掘自己專長，我平時都有向胡孟青請教投資學問。」

Zoie回想那些年在股市買乜升乜，感覺恍如隔世。她說：「○七年真係買乜都升，我都賺咗五、六位數，於是愈來愈心雄，結果後尾輸凸，身家蒸發四分之一。依家買股真係要做功課。（嫁個有錢人？）時代唔同，女仔都要財政獨立，做定最壞打算。」