年宵精品寸爆丁屋霸權 特首候選人化身「塘鸚」「量鷹」
[轉載/Youtube] 新春年宵市場本月 17 日開鑼，不少精品惡搞時事政治，「新界無雙」繼地產霸權大富翁後，再向鄉紳霸權挑機，「要僭建玻璃屋先可以收多 啲 租 㗎 」。特首候選人化身龍年神獸，如獲權貴獸力撐的「塘鸚」，以及月圓之夜化身如意狼君的「量鷹」等。越來越多學校參與年宵，香港鄧鏡波書院師生的自創產品包括龍年神獸 A4文件夾，除印有吸引蘋果粉絲的「喬布獅」，還有諷刺特首參選人的設計，如無才亦是得的「塘鸚」、出身於食物鏈底部的「量鷹」。
App神咕配上惡搞唐英年的對白。
中五學生梁霆烽說，連籤文鉛筆的入 U求籤筒筆袋，是為新高中學制學生而設的，鉛筆除寫有大學名，更有 A至 D五個字母，「考試做選擇題唔識，可以求籤睇吓揀邊個答案」。部份產品配合智能手機 Apps熱潮，如 Whatsapp咕、復刻版 ICQ龍枕等。
該校又拍了愛情短片「從那天起，我決定要把你追上」上載到 YouTube，當中穿插各款精品來個軟推銷，並將專頁連結到藝人校友如組合「農夫」及黃浩然的 facebook，因「佢哋多粉絲」。
專業教育學院葵涌分校工商管理高級文憑 4M班學生，則推出自家設計的 App神咕，外形酷似 whatsapp的對話泡泡，加上惡搞字句，如前面印上「你豬嚟咖（㗎）？」，後面則是「我屬龍囉」。
去年推出地產霸權大富翁遊戲的 Michael，今年矛頭直指新界土地問題，「新界無雙」大富翁遊戲，買賣新界常見的停車場及貨櫃場，「仲有種植場，除咗種草，仲會種票」。玩法「明寸」新界僭建丁屋，要經過官府才可建屋，每塊土地只准建三間，但可擅自加建玻璃屋，「好似新界人唔使問地政署就起得，租金回報仲大增㖭」。 Michael又說，對手可發清拆令，但若在類似機會牌中抽到「拖字訣」便可以無視，「發叔都教人拖啦」。其他搞笑規則包括踩中「前往包圍立法會」，便要留在「立法會」，諷刺新界村民示威活動。
「新界無雙」加碼製千套
去年 500套地產霸權大富翁火速售罄，今年「新界無雙」加碼至 1,000套，售價因成本上升增至 160至 170元，去年向隅後留下聯絡方法者則可以舊價 150元購買。有份設計的 Cyan另推 Ha Mode精品，包括咕、環保袋等，「 Ha Mode即係成日喺笑哈哈嘅狀態，化解一下社會戾氣」。
0 comments:
Post a Comment