[時事] 假牙魚柳 蟑螂湯 你揀邊款

假牙魚柳　蟑螂湯　你揀邊款( 2012-01-02 )
金滿軒食客咬崩牙


[轉載/Youtube] 市民王小姐於聖誕日晚上，到屯門華都花園商場上海菜館「金滿軒」用膳，其間食飯時突然咬到硬物，發覺上排左邊一隻臼齒崩缺，嘴冒鮮血，吐出硬物發覺為一塊約一厘米的白色懷疑瓷器碎片。
王小姐稱，當時職員陪她到診所治理，西醫轉介她看牙醫。由於一連數日假期，未能即時求診，職員曾建議先退回餐費及代支付診所費用，但牙醫費則要她自付，王拒絕，其後雙方協議待王治療崩牙後，食肆會將牙醫診費連同該餐飯錢一併賠償。
至上月29日，王再由食肆職員陪同向牙醫求診，牙醫指其受損臼齒要先補牙並觀察兩個月。如無問題就配牙套，費用2,500元，若需要杜牙根，則須5,000元。她指職員聽聞醫生報價後便離開。

「交畀保險公司處理」
王小姐補牙後致電食肆交涉，但對方反口且態度惡劣：「反正公司都諗住同你打官司，你咪報警囉！」王其後報警備案，並自行支付420元牙醫費，準備向食肆索償。
金滿軒姓蔡女經理回應稱：「我哋冇話唔負責，只係佢睇牙醫好長手尾，佢睇完牙醫攞啲單據返嚟，公司會交畀保險公司處理。」食環署發言人表示，已接獲有關投訴。