讚準新抱晶晶威水又斯文 朱玲玲：做奶奶開心
[轉載/Youtube] 「最美麗港姐」朱玲玲昨日出席慧妍活動，對於郭晶晶默認10月嫁給霍啟剛，身為準奶奶的她全程雖笑笑口表示不知情，謂等他們宣佈，但就謂「做得奶奶都會開心」，又大讚準新抱100分，成功又斯文。自言愛小朋友的朱玲玲，強調不心急抱孫，故不會給壓力郭晶晶。被譽為最美麗港姐的朱玲玲昨日與一班慧妍好姊妹包括趙雅芝、王愛倫、陳法蓉、曹敏莉、楊婉儀和張嘉兒等現身樂富，出席慧妍雅集成立30周年的記者會，其中張嘉兒不畏寒風以低胸裙示人，勇氣可嘉。
「由佢哋宣佈」
朱玲玲的大仔霍啟剛盛傳和郭晶晶於10月結婚，身為準奶奶的朱玲玲一到場即被數十名記者包圍，記者上前恭喜她，她笑笑口說：「恭喜我乜嘢，我都唔知，完全係佢哋私人嘢，由佢哋宣佈。」問會否在香港和北京兩地擺酒，朱玲玲說：「你哋報紙雜誌知，唔使問我，我唔知。」
問朱玲玲將榮升奶奶的心情如何，她說：「做得媽媽，做得奶奶都會開心。」記者再問她有否與郭晶晶的父母見過家長，她說：「有，拍咗7、8年拖，有見過家長。」問她對準新抱的印象如何，她即讚不絕口道：「佢好好，一齊咁多年，要夾先一齊，畀佢100分，佢好成功，攞咗好多個金牌，冇浪費童年嘅訓練，佢好斯文。」
唔想知爭產事
那麼朱玲玲想抱幾多個孫，她笑言：「冇諗過，自己鍾意小朋友，但係唔好畀壓力佢哋，佢哋有本事，自己決定，生細路仔辛苦，要佢哋知自己責任，應付得嚟先好。」對於日前霍家爭產，她對此迴避說：「冇跟進呢啲嘢，最好知少啲。」問到有否指引兒子，她表示：「唔好諗太多，發生呢啲嘢好愕然，唔好咁大壓力。」
0 comments:
Post a Comment