[娛樂] 童星黃美棋變清純OL

童星黃美棋變清純OL 2012-01-17
童星變美少女　慳家仲單身


[轉載/Youtube] 曾拍過亞視劇《我和彊屍有個約會II》同電影《行運一條龍》嘅童星黃美棋（Maggie），當年喺《行》片中飾演喺周星馳做嘅茶餐廳內買蛋撻嘅小芬女而令人留下印象，家22歲嘅Maggie已經長得亭亭玉立。

血拚零斬獲
原來早幾年Maggie去咗美國讀大學，近日佢回流返港喺觀塘做OL。不過之前Maggie拍咗段《戀愛彈弓手 追女一定要送LV、Gucci嗎》嘅短片，點擊率逾29萬人次，即時令佢人氣急升成為宅男女神。而大前晚Maggie收工後去apm購物，打扮樸素嘅Maggie專攻時裝同飾物店，不過唔知佢係知慳識儉，定揀唔啱心頭好，見佢精挑細選後未有收穫。
Maggie已多年冇活躍喺娛樂圈，但佢嘅外貌同細個真係冇乜大分別，即使冇乜化妝，依然樣子甜美，加上清純外表，難怪唔少男仔都忍唔住佢。