親證老婆懷孕逾4月 華仔留港陪產做龍爸
[轉載/Youtube] 50歲的劉德華去年11月底在網上自爆家有喜事將做老竇，45歲太太朱麗倩為他懷有龍B，華仔昨被追問時只笑着承認太太懷胎四個多月，但不肯透露是龍仔還是龍女，為了劉家這名即將出生的金叵羅，華仔已決定完成手頭上工作後，全程留港陪產，盡好老公、好爸爸本份。華仔昨日與契媽葉德嫻（Deanie）在九龍灣為《桃姐》接受傳媒圍訪，這是華仔自公佈太太朱麗倩有孕後首次見傳媒，即時被追問相關問題。以往華仔對生仔話題相當避忌，今次雖然全程笑容滿面，但依然口密，尤其提到胎兒性別，華仔即太極高手上身，並合十說：「我唔想電影訪問夾住呢啲話題，你哋乖啦！」記者即借用其天王好友黎明金句回禮：「你畀我哋曳一次啦！」即令華仔難以招架，無奈笑着承認：「網上講時有咗3個月，家4個幾月，好嘞，完嘞、完嘞！」
不計較性別
華仔欲就此作罷，但記者繼續追問他是龍仔還是龍女？華仔繼續合十說：「仔女都鍾意！」那改了名、訂了床位嗎？華仔笑言：「多謝晒！得㗎喇、得㗎喇！」請陪月還是嫲嫲湊BB？華仔無奈說：「我唔知呀！我幫你哋問吓啦！」華仔又笑謂，已預計到必定經歷被追問的過程。
尚有兩片約
之前有指他會停工侍產，華仔坦言：「要做埋之前簽落合約嘅工作，過完年返內地拍埋《富春山居圖》，仲有一套係杜琪峰，不過佢套戲喺香港拍嘅。」換言之，華仔在2月過後，將在香港全天候陪老婆待產，照顧朱麗倩及劉家金叵羅。
此外，即將做契嫲的Deanie姐被問到龍B是契孫仔還是契孫女時，也搞鬼地以普通話答：「家裏的事不能講！」講開心事喎？她說︰「唔得！」
0 comments:
Post a Comment